तपाईंको वेबसाइटले मानिसहरुलाई आकर्षित गर्नु महत्वपूर्ण छ तर यो त केवल सुरुवात मात्र हो। एकचोटी जब कोहि आगन्तुक तपाईंको भौतिक स्थानमा आउँछन्, तपाईं कस्तो प्रतिक्रिया दिनुहुन्छ? या भनौं सम्भावित ग्राहकलाई पूर्ण रुपमा व्याख्या गरेर रुपान्तरण हुन तपाईं कसरी प्रेरित गर्नुहुन्छ? हो, वेबसाइटले यहि मौका दिन्छ अनलाइन मार्फत् कि तपाईंको प्रतिस्पर्धीहरु भन्दा तपाईंको व्यवसायको उच्च छनोट होस्। आफ्नो व्यवसायको पूर्ण जानकारी दिएर सम्भावित ग्राहकहरुलाई रुपान्तरण गर्न नचुक्नुहोस्।
वेबसाइटले तपाईंलाई आफ्नो व्यवसायको लागि सूचना केन्द्र सिर्जना गर्ने स्वतन्त्रता प्रदान गर्छ। तपाईंको उत्पादन, सेवा र तपाईंको व्यवसायको सबै विवरण वेबसाइटमा व्याख्या गर्न सक्नुहुन्छ। एकचोटी आएका ग्राहकहरुको रुची संलग्न गरि उनीहरुलाई तपाईंको साइट अन्वेषण गर्न प्रोत्साहन गर्नुहोस् र ग्राहकमा बदल्नुहोस्। यो रुपान्तरण सुनिश्चित गर्नाले नयाँ ग्राहकहरुबाट बिक्रि बढाउनेछ र अवस्थित दर्शकहरुबाट दोहोर्याएर खरिद बढाउनेछ।
तपाईंको वेबसाइट आगन्तुकहरूलाई ग्राहकहरूमा बदल्न यी सुझावहरूको प्रयोग गर्नुहोस्।
१. सरल दिशा-निर्देशन: दिशा निर्देशन सहज हुन आवश्यक छ। तपाईंको वेबसाइटमा कोही आइपुगेको क्षणदेखि, आगन्तुकहरूले चाहेको कुरा फेला पार्न र सकेसम्म थोरै समयमा खरिद गर्न सक्षम हुनुपर्छ। तपाईंको वेबसाइटको उत्पादन पृष्ठहरु, जानकारी विवरणहरु, उत्पादन विवरणहरु, मूल्य निर्धारण र छवीहरु, पढ्नयोग्य, सरल, सजिलो र स्पष्ट छन् भन्ने कुरा सुनिश्चित गर्नुहोस्। कुनै पनि आगन्तुक द्वारा प्रयोग गर्न र बुझ्न सहज हुने र सजिलै उत्पादन कोटी वा खोजी सूचकमा स्पष्ट हुने शब्द, तस्बिर र चिन्हको प्रयोग अत्यावश्यक हुन्छ। जति कम समयमा आगन्तुकले खोजेको सामान भेट्छन्, त्यति नै कम समयमा ग्राहक बन्ने सम्भावना बढ्दै जान्छ। यस्ता स-साना कुरा तर व्यवस्थित प्रस्तुतीकरणले नै ग्राहकलाई सहि मार्गदर्शन गर्दछ।
एकचोटि स्थापित भइसकेपछि, आगन्तुकहरूले सामान्यतया कसरी खोजी गर्छन् भनेर हेर्नको लागि आफ्नै वेबसाइटको खोज परिणामहरूबाट समीक्षा गर्न सक्नुहुनेछ। उदाहरणका लागि, तपाईं गहना व्यापारी हुनुहन्छ भने धेरै आगन्तुकहरूले “हार” को सट्टा “पेन्डेन्ट” वा “चोकरहरू” खोजिरहेका छन् भनेर पत्ता लगाउन सक्नुहुनेछ।
२. उत्कृष्ट अवतरण पृष्ठ: एक राम्रो वेबसाइट दृश्यात्मक रूपमा आकर्षित, सुव्यवस्थित र प्रयोग गर्न सजिलो हुनपर्छ, जुन आगन्तुकहरूलाई संलग्न गराउनको लागि महत्त्वपूर्ण हुन्छ। तपाईंको वेबसाइट ग्राहकहरूलाई रूपान्तरण गर्न, प्रोत्साहित गर्न, उनीहरूलाई आफ्नो उत्पादन तथा व्यवसायको जानकारी दिन र उनीहरूको आवश्यकता र रुचीहरूसँग सान्दर्भिक हुनुपर्छ। तपाईंको वेबसाइटमा प्रवर्द्धन गरिएको वस्तु र विज्ञापन, तपाईंको कथा र अनुभव, व्यवसायप्रतिको इमान्दारिता र निरन्तरताले ग्राहकहरुको ध्यान मोड्न सक्छ, तसर्थ, तपाईंको वेबसाइटमा यस्ता वर्गीकरणहरुलाई स्थान दिनुहोस्।
३. आगन्तुकहरुले सम्पर्क गर्ने माध्यम: यदि कोहि आगन्तुक तपाईंको वेबसाइट भ्रमण गर्छन् र केहि सम्बन्ध महसुस गर्छन् भने उनीहरु इमान्दार ग्राहकतर्फ बद्लिन सक्ने सम्भावना बढि हुन्छ। तपाईंको साइटबाट खरिद गर्नु अघि तपाईंसंग सम्पर्कमा रहन ग्राहकहरुलाई धेरै विकल्पहरु दिनुहोस्। नयाँ ग्राहकहरुले के खोजिरहेछन् र उनिहरुसंग सम्बन्ध स्थापित गर्नको लागि स्वचालित प्रतिक्रिया च्याट बक्समा उनीहरुलाई संलग्न गराउने प्रस्न तथा उत्तर राख्न सक्नुहुन्छ।
पहिलो पटक वेबसाइटमा आउने ग्राहकको स्वागत, सिमित छुट तथा सेवाहरुले प्रोत्साहन गर्न सक्नुहुन्छ। कहिलेकाहीँ, तपाईंको साइटको सदस्यता लिनु अघि उनीहरु तपाईंलाई सम्पर्क गर्न चाहन सक्छन्। त्यसकारण तपाईंले उनीहरूलाई सम्पर्क गर्नका लागि जति धेरै साधनहरू उपलब्ध गराउनु हुन्छ, उनीहरूले त्यति नै सहज महसुस गर्छन्। तपाईंको साइटमा सम्पर्क फारम निर्माण यस सन्दर्भमा धेरै प्रभावकारी हुन्छ। अझ प्रभावकारी र अपेक्षाकृत आधुनिक तरिका भनेको तपाईंको साइटमा लाइभ च्याट सुविधा निर्माण गर्नु हो। र यहि साझा गरेको जानकारी अनुरुप उनीहरुको रूची, उमेर, लिंग अनुसार समूह बनाएर इमेल मार्केटिंग, एसएमएस र विज्ञापन गर्नुहोस्। यो सबै रणनीतिले आगन्तुक ग्राहकहरुसंग निकट सम्बन्ध कायम राख्न मद्दत गर्छ र सम्भावित ग्राहकतिर रुपान्तरण गर्न प्रोत्साहित गर्छ।
४. कल टू एक्शनको उचित प्रयोग: कल टू एक्शन हुनु भनेको तपाईंले वेबसाइट आगन्तुकलाई ग्राहकमा परिणत गर्न सक्ने सबैभन्दा महत्त्वपूर्ण चीजहरू मध्ये एक हो। यो तपाईंको वेबसाइटमा स्पष्ट देखिने र आगन्तुकहरुको लागी बुझ्न सरल हुने बनाउनुहोस्। तपाईंले आफ्नो वेबसाइटमा प्रयोग गर्ने भाषाले नै रूपान्तरण दरलाई महत्त्वपूर्ण रूपमा असर गर्छ।
जस्तै, तपाईंको पृष्ठमा अनियमित बिन्दुहरूमा कल टू एक्शन बटनहरू राख्नाले थप दृश्यात्मक बनाउछ र ग्राहक रूपान्तरण दरमा सुधार ल्याउछ। आगन्तुकहरुको ध्यान खिच्ने कल टू एक्शन बटन सिर्जना गर्नाले उनीहरुलाई त्यसप्रति आकर्षण बढ्छ र क्लिक गर्न पुग्छन्। ‘Free Sign up’, ‘Book Now’, ‘Get it Now’, ‘Purchase Soon’, ‘Register Now’ र ‘Download’ जस्ता बटनहरू प्रयोगकर्ताहरुलाई रुपान्तरण हुन लोभ्याउनको लागि प्रयोग गर्नुहोस्।
५. हरेक अवसरको फाइदा: ग्राहकको समीक्षा, सार्वजनिक मत परिणाम, वैज्ञानिक अध्ययन – कुनै पनि श्रोता जसले तपाईंको व्यवसायलाई प्रतिस्पर्धाको बीचमा उभिन मद्दत गर्छ, तपाईंतर्फ ग्राहकहरुलाई नेतृत्व गर्छ, तपाईंको वेबसाइटमा यसको स्थान निर्धारण गर्नुहोस्। तपाईंको वेबसाइटमा आवश्यक पर्ने सबै आंकडाको जगेडा राख्ने क्षमता हुन्छ। विभिन्न समयमा नयाँ उत्पादन, पुरानो स्टक निस्काशन तथा केहि सूचना तथा जानकारी प्रवाह गर्नको लागि वेबसाइट प्रयोग गर्नुहोस्। कुनै पनि पस्थितिलाई जनमानस समक्ष पुग्ने अवसर बनाउनुहोस् र सम्भावित ग्राहकलाई रुपान्तरण गर्ने हर प्रयास गर्नुहोस्।
तपाईंको ब्रान्डको मूल्य स्पष्ट रूपमा व्यक्त गर्ने, दिशा–निर्देशनमा सजिलो, आवश्यक जानकारी दिने, ग्राहकहरुले चाहेको खण्डमा तत्पर र ग्राहकहरूलाई रूपान्तरणको बाटोमा राख्ने एक संयोजन संरचना चाहिन्छ र यसको लागि उत्कृष्ट माध्यम हो, आफ्नो व्यवसायको नाम र काम झल्किने, सरल र सहज वेबसाइटको निर्माण। ग्राहक रूपान्तरणलाई ध्यानमा राखी आकर्षक डिजाइन, सरल निर्माण र समय समयमा आफ्नो वेबसाइटको मर्मत गर्नुहोस्।
आगन्तुकहरूलाई ग्राहकहरूमा रूपान्तरण गर्नु नै सबै व्यवसायहरुको उच्च प्राथमिकतामा पर्दछ र वेबसाइटले तपाईंको यो इच्छा व्यावसायिक तरिकाले सबै माझ पुर्याउछ र सम्भावित ग्राहकहरुलाई ग्राहक बन्न प्रेरित गर्छ l यदि तपाईंका ग्राहकहरूले न्यूजलेटरको लागि साइन अप वा सम्पर्क फारम भरेको छ भने, तपाईं कम से कम केहि प्रकारको सन्देश वा सूचना पठाउनुहोस् जुन उनीहरूको कार्यको पुष्टि गर्दछ। “तपाईंले अब सदस्यता लिनुभएको छ” सन्देशलाई धन्यवाद दिन स्वचालित इमेलहरू सिर्जना गरेर उनीहरूलाई आफ्नो ख्याल राख्नुहुन्छ भनी देखाउनुहोस्।
ThuloSites नेपालको सबैभन्दा द्रुत रूपमा विस्तार भइरहेको वेब सेवा प्रदायकहरू मध्ये एक हो। तपाईंको व्यवसायको लागि वेबसाइट बनाउन परेमा ThuloSites लाई सम्झनुहोस्। हामी तपाईंको साइटलाई प्रभावकारी रूपमा चलाउन आवश्यक पर्ने सम्पूर्ण सेवा, सुविधा तथा उपकरणहरू प्रदान गर्दछौं। आजै ThuloSites बाट आफ्नो वेबसाइट बनाएर फराकिलो समुदायमा रहेका आफ्ना सम्भावित ग्राहकहरु माझ पुग्नुहोस्।
